Umhverfisfræðsla!

Kæra dagbók þá er góður sumardagur runninn upp og veðurútlitið gott næstu dagana.

Ég skrapp í gær í íbúðina og þegar ég geri það þá kanna ég alltaf umhverfið í smá göngutúr og líst alltaf betur og betur á staðinn . Í gær fann ég fyrsta safnið sem við kærustuparið skoðum saman. Safnið er í innan við 5 mínútna göngufæri og heitir "Vin og spiritus museum" og finnst mér nauðsynlegt fyrir okkar reynsluheim að skoða þetta safn vel og vandlega .

Beint á móti safninu er gömul lestarstöð sem skipt hefur um hlutverk og þar er stór stórglæsileg matvöruverslun með gífurlegt úrval af mat- og hreinlætisvörum fyrir heimilið, annað eins hef ég aldrei séð og hef þó víða farið . Kjötið, fiskurinn, grænmetið, ávextirnir, ostarnir, nýbakaða bakrísbrauðið og bara allt vakti lukku hjá mér og mig langaði bara að fara að elda en það gerist nú ekki oft.

Þarna á "lestarstöðinni" er líka veslun sem selur golf-vörurnar sem ekki seldust í fyrra. Liturinn frá því í fyrra, veit náttúrulega ekki hvort hægt er að láta sjá sig með "dótið" frá í fyrra eða í fötunum en verðið er að minnsta kosti mjög gott og mér sem finnst allt dýrt í Svíþjóð .

Professor Olle kom og talaði við okkur Eyjólf í gær og vill bara að fara að útskrifa kappann á næstu dögum sem er óneitanlega mjög góðar fréttir því Eyjólfur hefur verið mjög duglegur að fara ótroðnar slóðir í sínum veikindum. Við bíðum spennt eftir að komast í íbúðina og svo er von á góðu fólki í heimsókn. Vigfús kemur 29. júní og ætlar að vera hjá okkur í vikur. Sama dag koma Inga og Siggi (t/foreldrarnir) þau verða á hóteli og fara svo í heimsókn til vinafólks sem býr hér sunnar í Svíþjóð en koma svo aftur til okkar 10. eða 12. júlí og verða með okkur í þrjá eða fjóra daga. Þetta allt saman finnst okkur mjög spennandi og hlökkum til .

Bless kæra dagbók og takk fyrir allar kveðjurnar sem koma með þér að heiman.

 

Athugasemdir

[Anna Kristín Jóhannesdóttir (IP-tala skráð) 23.6.2009 kl. 10:23]

Komið þið sæl.  Gott að heyra að það sé farið að ganga betur hjá Eyjólfi.  Já Rannveig nú er bara að fara í viðhald og fylla upp í hrukkurnar!!!!  Við förum í fyrramálið og verðum í sólinni í tvær vikur.  Hreinn og Hrafnhildur ætla að gifta sig 18. júli þannig að við verðum brún og sæt í veislunni.  Annarst bara allt gott að frétta héðan.

Gangi ykkur vel.

Kveðja,

Anna Stína.

[Stefanía Sigurðardóttir (IP-tala skráð) 23.6.2009 kl. 16:01]

hæ hæ ! frábært að heyra að það eigi að fara að útskrifa Eyjólf. Hafið það sem best. Það verður ekki leiðinlegt að fá stuðpinnann hana Ingu  tengdu og Sigga  í heimskókn.  kær kveðja frá Stebbu og Snorra