Sérviskan kemur oft niður á þeim sérvitra!!

Kæra dagbók þá er sérviska prinsessunnar aldeilis að koma niður á henni . Prinsessan vill alltaf strauja allt hvort sem það er straufrítt eða ekki. Sængurverin eiga þurrkuð úti í góða loftinu og ef það er ekki hægt þá straujuð. Verra er hins vegar með fötin því nú var prinsessan að þvo miklar birgðar af fötum og er að reyna að strauja en það er bara svo margt annað sem hægt er að gera, heimsækja gamla vinnufélaga, hressvinkonur, viðra golfkylfurnar, athuga hvort kaffið á Súfistanum er eins gott og prinsessuna minnir, kaupa ryksugu sem ryksugar ein og óstudd, fá ættingja og vinina í kaffi eða eitthvað ljósara . Prinsessan er að hugsa um að láta straujárnið kólna og strauja sálina svolítið .

Hvað það verður veit nú enginn en erfitt er um það að spá en eitt er víst að alltaf verður ákaflega gaman þá  .

Bless kæra dagbók og bestu kveðjur héðan af Íslandi þar sem kærastinn gerir ekkert annað en að hressast þó að hálsrígurinn slakni hægt .

Athugasemdir

[Anna Stína (IP-tala skráð) 10.9.2009 kl. 13:42]

Esku kærastapar velkomin heim.  Mikið er ánægjulegt að þið séuð komin heim, kíki á ykkur í næstu viku, er að fara burt með flugvél, ætli ég fái eins góða þjónustu og þið. 

Kæra kveðja,

Anna Stína.

[Sandra Jónasdóttir (IP-tala skráð) 10.9.2009 kl. 20:23]

Mikið er gaman að fá fréttir áfram, gott að þú gleymir ekki uppruna þínum þótt þú sért komin til Íslands. Straujárnið verður örugglega á sínum stað þegar þú þarft á því að halda en það er óvíst með allar búðir og fyrirtæki svo það er ágætt að forgangsraða þessu svona!! Bestu kveðjur og knús.