Hikkstinn ógurlegi!

Kæra dagbók núna er þriðji dagur í hikksta hjá Eyjólfi, ég væri orðinn geðveik, hann er nokkuð þreyttur á þessu. Einu sinni var mér sagt að þrýsta á ákveðinn blett við eyrað þá hyrfi hikkstinn, málið er að við  munum ekki hvar þessi blettur er : ( só!

Á morgun eru það svo stofnfumurnar en við vitum ekki klukkan hvað í raun veit það enginn fyrir víst, bara um leið og þær koma frá Steinríki.

Ég skokkaði í morgun, þetta var næstum því hlaup og með þessu áframhaldi þá mega dönskukennararnir fara að vara sig þeir fara að sjá í iljarnar á mér, ég kem til með að ná heilum hring á sama tíma þeir lötrast fjóra í lok sumars. Annars er ég búin að skrá allan hlaupahópninn í Stokkhólmsmarathon 30. maí næstkomandi, gisting hjá mér í flatsæng, drykkir á eigin kostnað.

Nú fer að styttast í útskrift hjá litla barninu mínu. Ég áætla að koma heim síðdegis 22. maí og fljúga út aftur eldsnemma 24. ef allt gengur vel. Þann 23. er útskrift og daman er enn skólaus, ó mæ god.  Víð mægur erum að ráðgera veisluhöld, okkur og vinum og vandamönnum til mikillar ánægju. Því miður litaðist útskrift Vigfúsar um jólin af veikindum Eyjólfs því hann var þá ný greindur og í fyrstu meðferð. Vigfús var samt flottastur og fékk kökur og við skáluðum í freiðivíni. Ég er  búin að ráða afskaplega fínar uppvörtunardömur (eins og voru á Hressingarskálanum í gamla daga) og fá inni hjá tengdaforeldrunum (veit ekkert hvernig ástandið verður heima þar sem á að vera búið að skipta um parket en er ekki byrjað og ekkert á sínum stað) en meira er ekki búið að undirbúa. Jú reyndar frú Sólveig svilkona sem einhverra hluta vegna hefur fengið úthlutað 36 tímum í sinn sólahring, já ég er sko búin að fatta af hverju hún kemur svona miklu í verk, hún á að vera gestur í veislunni ekki að vinna en hún er allavega komin með eitt verkefni fyrir veisluna og svo finn ég örugglega fleira eitthvað verður konan að hafa að gera með allan þennan tíma.

Kæra dagbók þá kveð ég að sinni og við þökkum fyrir allar góðu kveðjurnar sem við höfum verið að fá bæði á bloggið og í tölvupósti, takk allir það er svo gaman að heyra frá ykkur.

Myndir!

Kæra dagbók ég vildi aðeins taka fram til að forðast allan misskilning að skoði maður kort af Gallíu þar sem Ástríkur og félagar bjuggu þá náði hún yfir í Þýskaland en var ekki einvörðungu þar sem Frakkland er nú.

Ég var að bögglast við að setja myndir inn á þig kæra dagbók og ef maður smellir á þær þá er hægt að skoða þær nánar og bullið sem fylgir þeim.

Ég skellti mér í Fittness-senterið í morgun og reyndi að endurvekja vel hvílda vöðva og nú spyrjum við bara að leikslokum. Hress er bara miklu betra. Það var engin sturtusápa, enginn blásari og ef einhver hefði opnað hurðina á búningsklefanum þegar mín væri að "tilbúa" sig þá væri einhver í sjokki núna svo vel sést inn en guði sé lof fyrir hina sem í stöðinni voru þá átti enginn annar leið um klefann á mínum sturtutíma, heppnir "fittness" iðkendur. Það sem ég saknaði þó mest var kaffisopinn og hressu hressvinirnir. Þið verðið nú bara að skoða málið, ég er með gistipláss og svo er bara að koma upp kaffiaðstöðu.

Nú er farið að draga af Eyjólfi, "eiturefnin" farin að segja til sín og ef hann mætti ráða lægi hann upp í rúmi undir sæng (laki) en nei nei: fram úr og ekkert væl ef hann væri ekki tengdur við viðhaldið þá væri búið að reka hann út í göngu. Svona er konan hans ákveðinn, nei  svona er þetta bara í henni Svíþjóð.  Hann er allur að vilja gerður að fara rétt og vel eftir öllu, gera æfingjar, borða og fara fram úr en ég sé að þetta er ekki auðvelt.

Jæja kæra dagbók ég nenni ekki að tala við þig lengur.

 

Nýjar fréttir.

Kæra dagbók við vorum að fá þær fréttir að merggjafinn er þýskur og eins og læknirinn orðaði það "identical" og hann var mjög ánægður með samsvörunina.

Sem sé það er einhver góður þýskur karl með eins merg og Eyjólfur. Einhverra hluta vegna áttum við frekar von á Norðmanni eða Svía en okkur hefur alltaf líkað svo rosalega vel að ferðast um Þýskaland og Eyjólfi ekki síður, þarna  er kannski einhver skýring. Ég er viss um að Ástríkur og Steinríkur eiga einhvern hlut að máli, allavega eru kraftar Eyjólfs í ætt við Steinrík og ég er ekki frá því að rólegheitin eigi þeir líka sameiginleg, báðir seinþreyttir til vandræða.

Læknirinn er mjög ánægður með gjafann en við fáum ekkert að hitta hann, það fer hjúkrunarfræðingur héðan og nær í merginn til Þýskalands og flýgur svo beint hingað.

Bless bless kæra dagbók.

5. maí

Kæra dagbók af mér er allt gott að frétta, ég villtist ekki í dag, skokkaði bara í hringi og lenti tvisvar á Ronald McDonald. Reyndar var mér fróðari teiknimyndaáhorfandi að fræða mig á því að Ronald McDonald væri trúðurinn í Simson en ég verð nú að segja að hús er mun vinalegra en trúðurinn vansæli.

Eyjólfur var tengdur við flöskur í allan gærdag 12 klukkutíma en er bara hress.Hann verður eitthvað minna tengdur í dag og kannski kemst hann í matarboðið með mér í kvöld á títt nefndum Ronald.

Við  fengum mjög góða heimsókn áðan. Gamall nemandi minn (reyndar kornung stelpa) sem verið hefur hér í sömu meðferð og Eyjólfur leit við hjá okkur. Það var mjög gott að hitta hana og manninn hennar og sjá þau svona hress en þau eru búin að vera hér síðan 17. janúar og fara heim á föstudaginn.  Þau bera öllu vel söguna og það er voða gott að fá svona fréttir og hitta svona jákvætt fólk.  

Gaman að sjá kveðjurnar frá lesendum á blogginu, bestu kveðjur til ykkar allra sem nennið að lesa þetta bull!

Jæja kæra dagbók þá segi ég bara bless þar til næst.

Mánudagur!

Kæra dagbók þá er það nýr dagur með engum axarsköftum enn!

Ég fór í morgun og skoðaði líkamsræktarstöðina og mér líst bara vel á, alveg tilvalið að horfa á hana.

Við fengum góðar upplýsingar og útskýrinar á framhaldinu hjá yfirlækni, aðstoðalækni og yfirhúkrunarkonu beinmergsskiptanna. Óþjált, utleggst þrír aðlilar sem sjá um beinmergsskiptinn komu og útskýrði ferlið mjög vel fyrir okkur hjónum.

Eyjólfur verður meira og minna tengdur við poka í dag en við gerum ráð fyrir göngutúr eftir 18:00 að staðartíma, þar sem Íslendingar eru svo langt á eftir þá er klukkan bara 16:00 á Íslandi.

Kæra dagbók okkur hjónum líður bara vel ennþá en þú færð að heyra frá mér síðar!

Hvað lærði ég á sjónum?

Kæra dagbók mikið er nú gott að eiga þig að þagmælska og prúða! Í morgun fór mín út að hlaupa, hraðinn fyrstu fimm lögin var það mikill að ákveðnir dönskukennarar hefðu rétt slefað fimm sinnum lengri vegalengd á sama tíma ef þeir hefðu ekki verið að flýta sér. En... eftir fimmlög taldi ég mig vera á heimleið en eitthvað var sólinn á röngum stað á himinhvolfinu og í stað þess að taka mið af því eins og ég veitað á að gera þá ákvað ég að ég væri að hlaupa til baka. Þó var ég ósátt við sólaganginn og eftir að hafa ýmist skokkað eða gengið götu eftir götu í "litla" fallega mannlausa dúkkuhúsahverfinu var mér eiginlega hætt að lítast á að ég kæmist til Eyjólfs fyrir Jónsmessu en guði sé lof fyrir hunda og þeirra eigendur (þetta hélt ég að ég ætti aldrei eftir að segja) þá mætti ég slíkum félögum að viðra hvorn annan og gat spurt þá til vegar á minni líka góða sænsku. Annar félaginn svaraði mér á sænsku og ég fór eftir þeim leiðbeiningum og komst á réttan skógastig og heim í sturtu. Ég lærði sem sé tvennt í dag: 1. Aldrei að hætta að nota það sem hingað til hefur gefist mjög vel, í þessu tilfelli að fara eftir sólarstöðu og 2. ég er nú bara fjári góð í sænsku (ég gat líka pantað mér hvítvínsglas á bar í gær á sænsku og fékk hvítvínsglas sem sé get alveg bjargað mér á sænsku).

Núna sit ég upp á spítala hjá eiginmanninum, búin að sturta mig og borða góðan morgunverð. Hann er nokkuð þreyttur sem að vissu leyti skírist af daglegum göngutúrum síðdegis og æfingum tvisvar á dag sem ekki hefur verið á dagskrá lengi. Hann étur pillur í tonnavísu og ágætan mat á milli og er bara hress eins og frúin fljótfæra.

Jæja kæra dagbók þá segi ég bara bless í bili og hvet alla til að skrifa í gestabókina það er svo gaman að fá kveðjur.

Einkamál.

Kæra dagbók! Núna er sko gott að eiga þig að til að trúa þér fyrir því sem enginn má frétta. Ég nefnilega vaknaði eiturhress klukkan 8 í morgun, reimaði á mig íþróttaskóna og hélt út að skokka. Ég segi ekki að hraðinn hafi verið það mikill að ég hefði getað séð í iljarnar á dönskukennurunum en ég náði að svitna. Eftir ca 40 mínútna útiveru (töluvert labb) hafði ég kynnst umhverfi mínu betur og hélt "heim" í sturtu, skellti í þvottavél og útbjó morgunverð fyrir mig. Þegar ég var hálfnuð með morgunverðin leit ég á klukkuna hún var 8:15!!!!!!!!!!!What!!!!!!!!! Ég hafði sem sé laumast út klukkan sjö, 7:00 og allir í hverfinu eru nú að ræða það hvort íslendingar séu svona skrítnir vegna bankahrunsins eða er þetta ástæða hrunsins. Þetta er ekki allt ég skildi heldur ekkert í því hvað allt var dautt á föstudagsmorgni, enginn á ferðinni og enginn mættur í skólana hér á svæðinu en veistu hvað kæra dagbók 1. maí er ekki bara um land allt og á Patró hann er líka í Svergie.

Núna sit ég og pikka á meðan verið er að dæla lyfi í Eyjólf og hann aflar sér fróðleiks um Stokkhólm til þess að verða mér góður leiðsögumaður. Við höfum það gott og áætlum að fara út á eftir, fáum alltað 4 tíma frí þá.

Bless bless kæra dagbók

Svergie

Kæra dagbók þá erum við ungu hjónin bara komin til Svíþjóðar í góða veðrið. Öll aðstaða er mjög góð í raun mun hlýlegra en við áttum von á. Ronalds McDonalds húsið sem er fyrir aðstandendur er mjög hlýlegt og góð aðstaða þar. Við erum að hugsa um að selja þegar við komum heim og flytja inn á fjögurra störnu hótel þar sem við erum orðin vön því að fá uppvartað (bæði hér og á LSPH) hvort sem það er matur eða kaffi, erum að renna niður "drottninga-köku" sem okkur var borin með drykk (óáfengum þó).

Lyfjatörnin er byrjuð hjá Eyjólfi en við fáum 5 tíma frí á eftir og ætlum niður í miðbæ (gamla Stan) til að fá smjörþefinn af útlöndum. Það er voða mikið að gera svona fyrst við að koma sér inni hlutina og fá upplýsingar og veita upplýsingar en allt voða hýlegt og okkur sýnd mikil umhyggja.

Bless bless kæra dagbók

3 dagar!

Kæra dagbók!

Þá er ég búin að fægja silfrið og pakka í plastpoka og vona að það verði ekki allt orðið svart í haust. Tók líka allt úr skenknum og hornskápnum og pakkaði niður en er samt ekkert að flytja og treysti littlu börnunum mínum alveg til að nota þetta en.  Þar sem að ofn sprakk í stofunni í vetur og vatnskemmdir urðu á parketinu, þarf að skipta því út, reyndar átti það að gerast í mars en svona er allt. Nú verður léttara fyrir húsgagnaflytendur að vinna þegar parketmenn mæta eftir miðjan maí : ).

Ég var líka mjög dugleg í kvöld enda fékk ég svo gott að borða, þurfti hvorki að elda né ganga frá bara að borða vel og fá Irish Mist í eftirrétt, "Thats live".

Ég ætla að fá mér nýtt skartgripaskrín, frétti af einu í dag þar sem vaxa peningar og ég meina sko ekta peningar þetta voru evrur.

Við höfum tekið á móti góðum kveðjum í dag frá vinum sem við eigum virkilega eftir að sakna í sumar. Skrítið að vera fara svona lengi í burtu og vita í raun ósköp lítið hverju við eigum von á og litlu börnin okkar verða skilin eftir heima. Veit ekki hvort við eða þau verða aumar held viti það nú samt. Jæja kæra dagbók nú á bara að skella sér í ræktina í fyrramálið, allavega í kaffið og halda svo áfram að undirbúa brottför. Eyjólfur er  með kvefpest eins og annarhver Íslendingur hér á landi í dag og úthaldið er ekki gott en við fórum samt til litla bróður og Sollu og átum á okkur gat og nutum samvista við bestu frændur Eyjólfs : ) : ) : )

Góðan nótt kæra dagbók!

Nýjar fréttir!

Kæra dagbók!

Búin að fá frábærar uppvörtunardömur fyrir 23. maí, treysti á að þær geti hjápað mér með freyðivínið!

Ástæða Svíþjóðarferðar okkar hjóna eru veikindi Eyjólfs, en 5. desember síðastliðinn greindist hann með bráðahvítblæði og í framhaldi einnig með blóðsjúkdóm. Eftir að hafa farið í fjórar "agressivar" meðferðir hér eru mergskipti í Stokkhólmi framundan. Það í sjálfu sér er mikil vinna en mjög góðar sögur fara af Svíunum í samskipti við þessar aðgerðir. Við förum út á miðvikudaginn 29. apríl og meðferð byrjar stax daginn eftir en mergskiptin sjálf fara fram 8. maí og síðan er það veikindi og eftirlit fram yfir miðjan ágúst. Meira um það síðar.

Ég var að fá þær upplýsingar að við þurfum að spritta og sótthreinsa sjúkrastofuna hans Eyjólfs daglega! Ég meina það hvað er með Svía hér á LSH deild 11 G var þjónustan 210%, komon þar komu elskulegar konur og þrifu allt daglega og svo komu aðrar konur og buðu mér, gestinum, að borða og ég svaraði oftar en ekki með hundshaus "nei takk borða ekki fisk" eða eitthvað í þeim dúr og þá brostu þær og aldrei annað en elskulegheit. Ég meina það á ég að fara að gera eitthvað, vita Svíar ekki að ég er prinsessan á bauninni endurborin, verð ég að senda þeim ævintýrið. Ekki meira í bili kæra dagbók!