Þolinmæði eða þrjóska!

Kæra dagbók prinsessan hefur svona verið að spá og spekúlera og mikið að hugsa sem er nú ekki hollt fyrir ljóshærðar prinsessur á bauninni úr Hafnarfirði . Þannig er að það er alltaf verið að segja prinsessunni að hún sé svo þolinmóð en prinsessan hefur nú ekki talið sig þolinmóða hingað til og eins og sonur hennar segir "ef þú biður um að eitthvað sé gert, þá átti að gera það í gær" og hún á mjög erfitt með að bíða. Þannig að niðurstaða prinsessunnar, reyndar eftir miklar vangaveltur, er að hún er þrjósk ,  klára það sem á að gera hvernig svo sem farið er að og hvursu langan tíma sem það tekur . Þannig að prinsessan á bauninni er þrjóskupúki þó hún sé tvíburi.

Gærdagurinn fór mikið í bið hjá kærustuparinu, bíða eftir niðurstöðum úr rannsóknum og svo rétt fyrir fimm kom Soffía læknir og þær niðurstöður sem hún var með voru allar jákvæðar. Hins vegar er lugnabólgan eitthvað að vefjast fyrir þeim því hvorki hefur fundist baktería eða veira og nú á að athuga hvort þettta sé smá höfnun í lungunum enn ein rannsókn en bara gott. Við höfnun eru gefnir sterar og skammturinn hefur þegar verið aukinn svo allt er gert til að koma kærstanum heim .

Bless kæra dagbók og bestu kveðjur til allra heima og hafið það sem allra best og njótið helgarinnar .

Athugasemdir

[Herdís Snorradóttir (IP-tala skráð) 4.9.2009 kl. 12:30]

Sælar ljúfurnar mínar. Baráttukveðjur til ykkar og reynið að finna ykkur eitthvað skemmtilegt til dundurs í biðinni. Ykkar verður sárt saknað í árvissum atburði hjá vissum hópi í vissu bæjarfélagi. En såddan er livet, vi ses og bætum þetta bara upp með einhverju móti, getum bara hlakkað til þess, kv. hs

[Sandra Jónasdóttir (IP-tala skráð) 4.9.2009 kl. 21:55]

Hæ hæ, þetta er góð lýsing á sjálfri þér Rannveig! klárar bara hlutina hvað sem þeir taka langan tíma! Þetta er rétti baráttuandinn Þótt þú sért prinsessa þá ertu brjálaður keppnismaður Ég er eiginlega búin að sjá það út að ég hef ekki roð í þig þegar þú ferð að hlaupa! held að það verði bara betra að ég hjóli við hliðina á þér !!!

2 flokkur FH í knattspyrnu var keppa áðan í 4 liða úrslitum í bikarnum og þeir unnu leikinn 3-2 og tveimur færri inn á vellinum.....mér sýndist margar mömmur vera hálfpartinn á taugúm í restina og jafnvel nokkrir pabbar (t.d. Eiríkur:-)). Aron Freyr skoraði tvö mörk og var kosinn maður leiksins sem ég er afar stolt af. Mér dettur nefnilega oft í hug síðasti leikurinn minn á fótboltaferlinum var leikur með Haukum fyrir norðan þar sem ég skoraði tvö sjálfsmörk. En........er ekki aðalmálið að skora!!!

Vona að þið getið látið fara vel um ykkur á spítalanum knús í hús og þið fáið fréttir á morgun frá Brúarhlaupinu!

(Ég er hætt við að hjóla á Selfoss þar sem ég er með aðeins ofan í mér og spáir ekki spes veðri. Ég ætla að taka hjólið í bílinn og reyna að aðstoða hálfmaraþonhlauparana ef á þarf að halda. Ég held að Magga, Gulli og Heimir ætli hálft..)