Gróðinn nýttur!

Kæra dagbók það held ég að prinsessan sé að nýta gróðann sem fékkst við það að kaupa ekki Miu Miu töskuna sem kostaði yfir 100.000 íslenskar krónur á 50% afslætti . Prinsessan hefur stundað veitingastaði stíft síðustu dagana og í gær var farið á "Friday´s" já já. "Réttur til að deila" varð fyrir valinu og deildi nú kærustuparið á "Friday´s" og líkaði bara vel eitthvað var þó meira deilt kærastans megin en það var allt í góðri sátt og eingar deilur um það .

Síðan var tekinn góður göngutúr um miðborgina svona aðalega til að prinsessan gæti sýnt sig og þá um leið glatt samferðarfólkið á götum úti.  Þá var splæst í ís og sest á "rónabekk" og horft á mannlífið. Þetta var parinu svo erfitt að það hélt heim og hvíldi sig um stund . Þar sem enn var lítið gengið á gróðann var farið í göngutúr um kvöldmat og stoppað á ítölskum veitngastað og snædd pizza . Enn er hellingur eftir af gróðanum svo það er bara að halda áfram þessu sældarlífi og í dag er stefnan tekinn á kaffihús, fyrst smá hjólatúr og svo að setjast niður og horfa á fólkið sem ekki græddi eins mikið og prinsessan og getur því ekki sest á kaffihús sér til gleði og ánægjuauka .

Áðan fór kærastinn í "tékk" upp á sjúkrahús og að sjálfsögðu fór prinsessan með hún má nefnilega ekki missa af neinu og þarf að hafa góða yfirsýn yfir allt. Það gékk vel í morgun og nú er ítarlegri skoðun eftir nokkra daga og í næstu viku fáum við svör við hvernig lækningin hefur gengið hingað til .

Bless kæra dagbók og nú er bara að njóta stundarinnar og fá sér góðan kaffibolla .

Athugasemdir

[Sigurlaug Jóhannsdóttir (IP-tala skráð) 27.7.2009 kl. 14:42]

Komið þið sæl,,,jájá Rannveig mín þú ert alltaf í gróða og láttu þetta sældarlíf bara eftir ykkur og njótið vel. Gott að allt gengur vel, kv. Sigurlaug og Sigurjón.

[Edda (IP-tala skráð) 27.7.2009 kl. 15:54]

Mér líst vel á ykkur kærustuparið.  Ég var líka að græða.  Við vorum að kaupa bíl núna áðan og eiginmaðurinn segir að hann sé á svo ótrúlega góðu verði að mér skilst að ég hafi rétt í þessu grætt eina milljón.  Þess vegna ætla ég að bjóða honum í bíltúr um verlsunarmannahelgina austur fyrir fjall í humar. Já Rannveig mín eigum við ekki að fara í framboð næst við erum konur sem kunnum með peninga að fara. Bestu kveðjur til ykkar beggja.

[Herdís Snorradóttir (IP-tala skráð) 27.7.2009 kl. 20:55]

Hæ sqeeze. Gott að heyra að allt gengur vel og nú er bara að krossleggja allt sem hægt er að kossleggja svo niðurstöður verði áfram góðar.  Héðan er líka allt gott að frétta þó svo að maður geti ekki farið á veitingahús tvisvar eða jafnvel oftar á dag. Það gerir heldur ekki mikið til því við hlaupagellurnar erum duglegar að skreppa á pallana hver hjá annarri eftir hlaupin og veðrið hér heldur bara áfram að koma manni á óvart. Ég er að spá hvort ég eigi að gera einhverjar ráðstafanir svo öll glösin og fíneríið detti ekki úr skápunum í skjálftanum í kvöld og svo leist mér rosalega vel á hugmynd Söndru - að ljúka úr rauðvínsflöskunni því hún gæti splundrast í látunum.

Haltu áfram að vera þú, bestu kveðjur til kærastans, hafið það sem allra best,neytið meðan á nefinu stendur, lifið í lukku en ekki í krukku, chiao

[Sandra Jónasdóttir (IP-tala skráð) 28.7.2009 kl. 09:54]

Sælar ég beið svo lengi eftir eldgosinu og jarðskjálftanum að ég hafði ekki tíma til að kíkja á bloggið í gær Þetta er algjör snilld hvað allir eru að græða í kreppunni....ég er að hugsa um að fara og kaupa mér eitthvað fallegt á eftir ég held nefnilega að ég hafi líka grætt í gær...ég stoppaði ekki á stöðvunarskyldu og það er örugglega slattapeningur (var reyndar á hjóli...en hvað með það), svo er spurning um að fara að gefa út matreiðslubók...þið hafið áreiðanlega margar góðar hugmyndir