Ævintýraverur!

Kæra dagbók þegar að prinsessan á bauninni er annars vegar eru aðrar furðu verur óneitanleg á næsta leyti . Þannig var það allavega í gær, þá átti kærustuparið stefnumót við frú Sigríði Ólöfu sem gerði hér stutt stopp á ferð sinni til Eskilstuna en þangað fór hún til að heimsækja barnabarnið og óhjákvæmilega fylgja þá foreldrar barnsins með .

Kærastinn bar fram þá ósk að snæddur yrði "lunc" á uppáhalds hádegisverðarstað hans, uppáhalds rétturinn. Þetta kom sér vel fyrir prinsessuna og ÖMMUNA því þetta er veitingastaður sérhæfður í fiskréttum en AMMAN og prinsessan eiga það sameiginlegt, ásamt ýmsu öðru, að vera með ofnæmi fyrir fiski. Einn réttur á matseðlinum inniheldur ekki fisk og sem betur fer er ekki verið að þynna hvítvínið með fisksoði þannig að kvenpeningurinn undi glaður við sitt . Ævintýrafólkið naut dagsins og AMMAN náði lestinni, á síðustu stundu þó og gat tekið ferðatöskuna með . Rétt áður en AMMAN kvaddi rétti hún prinsessunni fríhafnarpoka og sagðí: "hélt ykkur vantaði þetta". Áður var nú kærustuparið búið að reyna að sannfæra ÖMMUNA um að ekkert vantaði í SVíþjóð . Eftir að hafa kíkt í pokann  er prinsessan sannfærð um að AMMAN er rammgöldrótt gott ef hún flýgur ekki um himinhvolfin á næturnar á strákústi . Upp úr pokanum kom hvítvíns flaska og íslenskt lakkrískonfekt. Kvöldinu áður hafði kærustuparið ákveðið  að kaupa hvítvínsflösku á heimleiðinni frá stefnumótinu, eins hafði kærastinn nefnt að kannski hefði hann átta að biðja frú Sigríði Ólöfu um að koma með lakkrískonfekt en nei of mikil framhleyppni. ERGO frú Sigríður Ólöf er galdranorn af bestu sort .

Eftir hádegið er blóðprufa á sjúkrahúsinu og síðan á að hitta aðra ferðalanga frá Íslandi en stefnumótið er á landareign prinsessunnar. Þessir ferðalangar eru sem sé í eftirlitsferð og ætla að tékka á kaffinu og heimabökuðu kökunum í Hagaparken með kærustuparinu .

Bless kæra dagbók hér er sól og sæla og vonandi eru ónefndir Íslendinar ekki að gera útaf við sig með hjólataúrum, hlaupum og fjallgöngum því eitthvað verður að vera eftir fyrir prinsessuna þegar hún kemur heim .

 

Athugasemdir

[Ásta Eyjólfsdóttir (IP-tala skráð) 6.8.2009 kl. 09:39]

Sæl og blessuð kærustupar, mér finnst þetta nú alveg stórskrítið. Í gærkvöldi var ég að spjalla við eina gamla og góða úr Setó skólanum okkar og var umræðuefnið meðal annars, hvort ég hefði hitt einhvern af skólafólkinu í sumar. Og svarið var stutt og laggott NEI það eru nú ekki margir. Halló svo farið þið til útlanda og eruð á stefnumótum dag eftir dag við starfsfélagana . Hér er fullt hús af fólki og verður fram á laugardag, þetta er búið að vera soldið eins og umferðamiðstöð hér síðustu dagana, gaman af því. Maðurinn minn er ekki að finnast þetta neitt æði a morgnana þegar hann kemur fram og baðherbergið er endalaust upptekið Það eru nefnilega tvær stúlkur í gestahópnum og við eru ekki mikið vön þvi á þessu heimili að það séu aðrar kvenverur að punta sig aðrar en frúin sjálf. Risaknús aftur og aftur úr Norðurbænum okkar

Ásta Eyjólfs

[Sandra Jónasdóttir (IP-tala skráð) 6.8.2009 kl. 23:51]

hæ hæ hér sit ég með fætur upp á borði, búin að klára pringles snakkið og appelsínið...hundurinn liggur á bakinu og lætur klóra sér og litli unglingurinn  liggur við hlið hundins og planar helgina....það verður dekur helgi hér...karlinn er farinn á fiskihátíðina á Dalvík en við hin ætlum að njóta lífsins í heimabyggð..fjallgöngur, hjólreiðatúrar, golf, andabringur......ýmislegt sem verið er að plana en því miður ekkert á landareing prinsessunnar. Hér er ekki verið að klára neina orku heldur byggja sig upp til að halda í við prinsessuna og prinsinn þegar þau snúa til landsins. Annars verður sénslaust að eltast við þau.