Íslendingar = Hafnfirðingar!

Kæra dagbók þá má nú segja að prinsessan og hennar kærasti hafi átt góðan dag í gær . Kærustuparinu var sem sé boðið til mannfagnaðar og því var ákveðið að taka því rólega fyrri hluta dags. Prinsessan tók að sér það óeigingjarna hlutverk að hjálpa kærastanum við hvíldina og því hvíldi hún sig af krafti fyrri hluta dags . Upp úr þrjú skreiddist prinsessan þó í sturtu og tók svo til við að hafa sig til og komst að því að þegar pakkað var í vor var ekki gert ráð fyrir boðum á nokkurn hátt og því fátt um fína drætti í fataskáp prinsessunnar. Þar sem hún er nú einu sinn prinsessa dó hún ekki ráðalaus og náði  í sparibrosið og glossið  og var tilbúin.

Þar sem prinsessan lærði til kennslukonu á yngri árum og er haldinn þeirra áráttu hegðun að hafa hlutina á hreinu þegar lagt er upp í "langferðir"  þá skrifaði hún nákvæmlega niður heimilisfangið á áfangastað á tvo aðskilda miða ásamt því að skoða vegakortið ítarleg, allt á hreinu. Þegar leigubíllinn mætti svo á svæðið var leigubílstjórinn, kvenmaður að þessu sinni, tekinn í kennslustund og fylgst var vel með þegar pikkað var inn í leiðarkerfið að allt væri nú rétt þannig að við enduðum á réttum stað . Nú átti sko að fylgjast með að ekki yrði villst af leið því leiðin var löng og ekki á  bætandi með villu útúrdúrum. Að þessu sinni var önnur hver gata lokuð í miðborginni vegna framkvæmda eða þá vegna Gay-pride sem er hér þessa dagana. Þar sem við urðum að fara í gegnum miðborgina varð þetta til að breyta út af leið og þá varð nú blessuð prinsessan svolítið rugluð (stressuð) en sem betur fer áttaði hún sig þegar komið var til "SöderMalm" og gat gripið inn í stjórnina ef eitthvað skyldi nú bregða út af, prinsessan sat uppspennt í aftursætinu og taldi götur og las skilti . Loks nam bifreiðin staðar við fallegt hús þar sem einungis tvær fínar bifreiðar stóðu við, úps ; rangt hús, rangur tími, rangur dagur eða boðinu aflýst, leigubílstjóranum leist heldur ekkert á þetta og bauðst til að hinkra sem var að sjálfsögðu þegið með þökkum. Prinsessan hringdi á bjöllu og til dyra kom stórglæsileg ung kona, á íslensku spurði prinsessan "er ég á réttum stað" með öndina í hálsinum, unga konan svaraði um hæl "já! velkomin" á lýtlausri íslensku, ! Auðvita var þessi unga kona íslensk svona líka glæsilega og elskuleg. Þarna var hópur af glæsilegum Íslendinum samankomin og stærsti hlutinn voru Hafnfirðingar eða tengdust Hafnarfirði á einhvern hátt. Kærusuparið naut sín og átti skemmtilega kvöldstund með skemmtilegu og elskulegu fólki. Þarna sannaðist hið fornkveðna "maður er manns gaman" alla vegamannfagnaður er  kærustuparsins gaman .

Kæra dagbók hér er sól og sæla og kærustuparið sendir bestu þakkir til veisluhaldara, þetta var góð vítamínsprauta.

Athugasemdir

[Ásta Eyjólfsdóttir (IP-tala skráð) 2.8.2009 kl. 15:52]

Elsku dúllan mín, þú veist að við erum ætíð  í meirihluta hvort sem við erum í  Hafnarfirði eða Svíþjóð. Hér er allt klárt í mitt árlega innipúkapartý um vesló. Alveg passað upp á að nóg sé af köldum drykkjum í kæli og nógur er maturinn (það sér maðurinn um ) Þið komið bara næsta ár Knús og kveðjur úr sólinni í Norðurbænum okkar :)

Ásta Eyjólfs 

[Inga María Eyjólfsdóttir (IP-tala skráð) 2.8.2009 kl. 22:48]

Elskurnar mínar! Þó að eg hafi verið að tala við ykkur í síman áðan, þá verð eg að bæta við að eg er alveg sammála henni Ástu Eykjólfs með hafnfirðingana Þið eruð á réttri leið! Hafið sólríka daga og gangi ykkur vel! Amma á selló