Dugleg!!

Kæra dagbók það held ég að kærustuparið hafi verið duglegt í gær . Eftir hádegisverð fór parið í hjólatúr og hjólaði allavega 2 kílómetra niður að sjó og settist það á veitingahús og naut lífsins í rólegheitumum stund í góðu veðri og fallegu umhverfi , festi það á filmu til sönnunar. Ekki nóg með það heldur hjólaði kærustuparið líka heim en þá leið er hægt að hjóla á jafnsléttu sem betur fer . Gróði dagsins var gífurlegur því vaninn er að taka leigubíl að minnsta kosti aðra leiðina þegar við förum eitthvað svo þetta eru allavega 150 sænskar krónur og svo ekki sé talað um ókeypis bíó sem fólst í útsýni og að fylgjast með fólki sem fór fram hjá. Prinsessan sér fram á að geta farið að deila þessum gróða með öðrum . Til dæmis væri hægt fyrir kreppu Íslendinga að fljúga til Stokkhólms og gista án þess að þurfa að borga krónu hjá kærustuparinu, bara að sjá um kvöldvökur, þetta gerðu allt að 80.000 íslenskar krónur og að frádregnum gistikostanaði færi þetta fljótt niður, allt eftir fjölda gistinátta ótrúlegur gróði og góð aðstað. Mat þarf að borða í báðum löndum svo það reiknast ekki með í dæmið . Bara að ríkisstjórnin fari nú ekki að frétta af útsjónarsemi prinsessunnar og heimti hana heim til að bjarga fjárhag Íslenska ríkisins .

Í dag er hvíldardagur því það var reynt svo á vöðvana í gær að vísu skokkaði prinsessan í morgun. Það var eftir vikuhvíld frá eftirlitsferðum á landareigninni og var þessi ferð léttari en sú síðasta og hérarnir tveir sátu bara og horfðu þegar prinsessan þaut hjá á gönguhraða. Prinsessan var nefnilega svo þreytt alla síðustu viku var líklega illa haldinn af L.E.T.I. .

Bless kæra dagbók og reynið svo að fara að ráðum prinsessunnar og græða svolítið því þá er hægt að bregða sér á kaffihús og þar fæst nú ýmislegt fleira en kaffi, hvervegna haldið þið að gangi svona vel að draga kærastann á kaffihús, ekki drekkur hann kaffi .

Athugasemdir

[Herdís Snorradóttir (IP-tala skráð) 28.7.2009 kl. 09:23]

Þetta er sannarlega umhugsunar virði

[Sandra Jónasdóttir (IP-tala skráð) 28.7.2009 kl. 10:00]

Nei Rannveig mín þú ert örugglega ekki að farast úr leti.......ótrúlega dugleg að drífa þig í skokkið eftir þennan góða dag á hjólinu jafnvel þótt hérarnir hefðu tekið framúr þér eigið góðan slökunardag, knús til ykkar snillingar

[Ásta Eyjólfsdóttir (IP-tala skráð) 28.7.2009 kl. 11:16]

Sæl og blessuð kærustupar Mér finnst nú bara nauðsynlegt að farast úr L.E.T.I. öðru hvoru,mjög gott fyrir sálina og kroppinn líka. Þú er elsku Rannveig mín alveg snillingur í  að gera bloggið áhugavert, stundum sé ég ykkur fyrir mér sitjandi og dúllast saman á kaffihúsi eða á bekk skoðandi mannlífið. Sumt fólk kemur út úr skápnum og viðurkennir eitt og annað, en FRÚ Rannveig hún kemur út úr skápnum og viðurkennir fúslega að hún er PRINSESSA Bestu kveðjur úr Norðurbænum okkar og Risaknús  

Ásta Eyjólfs 

[Dóra (IP-tala skráð) 28.7.2009 kl. 20:15]

Bestu kveðjur til ykkkar.  Ég fylgist alltaf með og vildi bara kvitta fyrir komuna

Kveðja

Dóra