Blogg-hvarfið!

Kæra dagbók hér hamaðist prinsessan á bauninni við að blogga svo flott blogg í gær og síðan las hún það á síðunni en síðan hefur ekkert til þess spurst bloggið frá í gær er gleymt en hér kemur nýtt.

Fyrst eru það góðu fréttirnrar fyrir ykkur á Íslandi, heimför okkar hefur verið frestað um tvær vikur vegna þess hve Eyjólfur hefur verið veikur í "lækningunni". Hann er nú á hægum góðum batavegi og allt í sambandið blóðið er gott og allar hafnanir eru á undanhaldi svo núna er það uppbyggingin sem gildir. Þá er nú gott fyrir Eyjólf að geta gengið að landareign kærustunnar vísri, því þar er svo gott að ganga um og fullt af rónabekkjum til að hvíla sig á .

Í morgun fór prinsessan í góða eftirlitsferð á landareigninni en nú hefur læðst að henni sá grunur að eitthvað sé nú tvíbent með vatnið/sjóinn á landareigninni. Henni hefur nefnilega borist til eyrna fréttir að landnámi/sjónámi ónefnds dönskukennara, dönskukennarinn hefur víst yfirtekið Kópavog . Spurning hvort þessi ónefndi dönskukennari verði bara ekki að gera sér ferð til Svíþjóðar og nema Brunnsvíkina, vatnið/sjórinn er of kaldur fyrir svona prinsessu á bauninni . Hvað gera nú aðrir dönskukennarar og aðrir kennarar á hlaupum, er það rétt að þeir hafi yfirtekið Heiðmörkina og hleypi ekki nema útvöldum þar inn. Prinsessan sér fram á gífurlega landaukningu Hafnarfjarðar þegar að heim kemur í byrjun september , kannski að Victoría leiti ásjár, þá er bara spurningin hvort hún fái leigt í Hagaparken eða í Hellisgerði, er ekki kaffihúsið þar enn? 

Kærustuparið ætlar að skella sér út að borða í hádeginu að hætti Svía en hér er hægt að snæða fínan hádegisverð með gosi eða hvítvíni fyrir 70-100 krónur sænskar eða innan við 1200-1650 íslenskar krónur .

Kæra dagbók þá er vonandi að þetta haldist inni svo dönskukennarar og aðrir getið íhugað áhyggjur prinsessunnar.

Athugasemdir

[Herdís Snorradóttir (IP-tala skráð) 17.7.2009 kl. 15:27]

Já skvís, ætli ég þurfi bara ekki að fara í landhelgisdeilur við nærliggjandi sveitafélög. Í gær kom Kristín List hér og við sátum hálfberar á pallinum til kl. 22, sötrandi e-ð frískandi úr glasi og þegar Heimir kom úr vinnu og Árni Hrólfur bættist í hópinn var eldaður þessi líka fíni veislumatur. Eftir mat (og drykk) var aftur sest út og sátum við til kl 3.00 Hrönn hafði bæst í hópinn og það voru sko sagðar ýmsar gamansögur, svakalega gaman

Sé að þú ert farin að tala um heimferð, hlakka til að sjá þig-Guð hvað sumarið líður hratt.

Kveðja til Eyjólfs, hafið það gott, Herdís