Þvílík og önnur eins vitleysa í einni frú!!

Kæra dagbók þá er runninn upp sólríkur og heitur sumardagur.

Ég er svo hneyksluð á henni mér að vera að rembast í fitnessinu og verða svo bara þreytt í vöðum á eftir og með vott að strengjum, væri bara ekki betra að hreyfa sig minna og fá bara strengi í kjálkavöðvana. Til að toppa vitleysisganginn hentist frúin á lappir fyrir allar aldir, eða þannig, henti í þvottavélar og skaust út að skokka á þessum líka gífurlega hraða. Ég er viss um að ónefnd kona á leið upp Snæfellsjöku er ekki nema á tvöföldum mínum skokkhraða á uppleiðinni, ég ætla ekki að ræða niðurleiðina. Mér sýnist hún fá gott veður á toppnum, samkvæmt mbl.is, og óska að það sé rétt.

Ekki góðar fréttir af jarðarhristingi heima á fróni, var sá ljóti að fagna eins árs afmælinu, eða voru orð Völvu vikunnar að koma fram. Valvan spáði sterkum jarðskjálfta á suðvesturhorninu í maí, svo má deila um hve sterkur þessi var.

Vona að hún dóttir mín hafi orðið vör við hann, hún er búin að bíða síðan þjóðhátíðarskjálftinn var að finna jarðskkjálfta, mjög spennt.  Þá gerði hún þvílíkar ráðstafanir í herberginu sínu eftir fyrsta skjálfann sem var um miðjan dag á 17. júní og við niðri á Víðistaðatúni og að sjálfsögðu varð hún ekki vör við neitt. Næsti skjálfti var um miðnætti, daginn eftir að mig minnir, þann svaf hún af sér og allir minni skjálftar fóru framhjá henni. Fyrir ári var frökenin í vinnunni og skrapp á salernið og einhver var svo óforskammaður að slökkva ljósin! En þegar hún kom fram voru allir að tala um jarðskjálfta og  að rafmagnið hefði slegið út. Móðirin fékk áhyggjukast og hringdi þá var mín bara fúl yfir að hafa ekki fundið neitt. Sonurinn hefur hins vegar ekki farið varhluta af jarðskjálftum og stóð í fyrra í búðinni nýbúin að raða vörum í hillur og allt fór af stað.

Hér hins vegar hristast bara vöðvar sem lítið hafa verið notaðir í vetur og má jafna því við 6-7 á ricther .

Eyjólfur er á hægum batavegi og svaf vel í nótt. Við fórum út í sænska skógaloftið í gær og það endaði með samkomu íslensku hvítblæðissjúklinganna og aðstandenda  á Karolinska! Þau eru þrjú í meðfer hér núna en við höfum ekkert hist, ein er á sama róli og Eyjólfur, einum degi á undan og þau hafa bæði verið í einangrun sem eðlilegt er, þriðji kom síðasta mánudag og er að hefja ferlið. Það var gott að hittast þarna úti í sólinni og bera saman bækur sína og undrast á tryggingastofnun.

Jæja kæra dagbók þú ættir bara að vita hvað við erum að fá mikið af góðum kveðjum jafnvel frá gamalli skólasystur sem fær örugglega gott veður í dag í golfið og tekur einn aukahring fyrir mig. Annars er víst mjög góð golf aðstaða hér og stutt að fara og vallargjöld með því allra lægst í Evrópu, tékka á því síðar. Bless kæra dagbók

 

Athugasemdir

[Sigurlaug Jóhannsdóttir (IP-tala skráð) 30.5.2009 kl. 10:46]

HÆ HÆ,,,,afhverju undrast á tryggingastofnun borga þeir ekki allt fyrir sjúklinginn hélt það ? Sigurjón er aðeins betri, annars er allt við það sama hér hjá okkur.kv. Sigurlaug og Sigurjón.

[Inga María Eyjólfsdóttir (IP-tala skráð) 30.5.2009 kl. 16:05]

Hæ Hæ! Nú er pabbi 50 ára stúdent og heldur upp á það með skólafélögunum í kvöd. Veðrið hefur lagast heilmikið og bara sól með köflum.Eg ætla að senda þér bók Rannveig mín með Ingu Maríu, þú ert svo fljót að lesa að eg get fengið hana hjá þér  þegar eg kem til ykkar kem kanske með aðra bók þá. það er annars allt gott að frétta frá okkur, hátíðin  bjartir dagar er hér í Hafnarfirði (gott í rokinu og rigningunni undanfarið) en sem sé sólin er farin að skína á okkur það vantar bara hitanen hann kemur líka. Ástarkveðjur til ykkar hetjurnar mínar og gangi ykkur vel. Mamma

[Sigríður Ólöf Gunnlaugsdóttir (IP-tala skráð) 30.5.2009 kl. 17:03]

Sæl vertu mín kæra.  Gott að heyra að allt gengur eftir áætlun hjá ykkur.  Við fylgjumst með og hugsum til ykkar.  Kveðja frá mínu fólki. Sigga Gunnlaugs.

[Rauða Ljónið, 30.5.2009 kl. 20:12]

Sæl. Systir góð óska ykkur alls hins besta megi sólin í Svíaríki skina sem bjartast  fyrir ykkur nú og allt gangi að óskum. Kv Sigurjón Bróðir.  Ps.

Siglufjörður!

Sæll bróðir! Var að vafra á netinu, hef ekkert annað að gera þessa dagana en að hanga í tölvunni því það eru einhverjar konur að hugsa um Eyjólf : ) En þú ert með tengil á Siglufjörð og þar er fullt af myndum af ættingjum okkar, teknar af Hinna frænda en vantar alveg að merkja hver er á myndunum þú ættir að taka þig til og senda inn upplýsingar, mamma getur hjálpað þér og kannski Andrés bróðir. Bestu kveðjur frá litlu Sysur í SVíþjóð

Er búin að senda síðustu tvö árinn fullt af upplýsingum um myndir á Siglufjarðarsíðuna ásamt öðru efni.

Aukatengi er komin á þig á Ljónið.

Kv. Sigurjón Bróðir.

[Jón Andrjes (IP-tala skráð) 30.5.2009 kl. 21:03]

Sæl frænka vonum að alt gangi vel áfram .

Með kærum kveðjum úr firðinum fagra

Jón Andrjes