8. maí!

Kæra dagbók þá er 8. maí runnin upp og á þessu augnabliki sitjum við gamla settið og bíðum eftir stofnfrumunum sem koma líklega fljúgandi frá Steinríki um hádegi.

Hún á afmæli í dag, hún á afmæli í dag... heppinn Sólveig að ég er ekki nálæg til að syngja því það á allsekki að pína afmælisbörn, til hamingju með daginn og við óskum þér alls hins besta í framtíðinni. Nú komum við til með að eiga þennan dag saman. Hafðu það sem allra best í dag, þú ert jú að ná okkur og eins gott að Huldar fari vel með þig : ) 

Eyjólfur er búinn að uppgötva að það er slæmt að hafa "viðhald", erfitt að hreyfa sig um herbergið og fara á klósettið, muna að halda alltaf utanum það við minnstu hreyfingu en núna er bara einn kútur á viðhaldinu.

Úti er sól og 15°C, svolítill vindur en það er ekki svona gott heima, þar kæmist ég ekki út í dag samkvæmt veðrinu á mbl.is en hér sit ég inni og veit að ég get skroppið í göngutúr á eftir, æðislegt. Enda er ég búin að minnka asmalyfin um helming síðan ég kom hingað, var komin á fjórfaldan skammt sé fram á að komast í eðlilegan skammt áður en ég skrepp heim í útskrift og eins gott að Ísland taki vel á móti mér.

Jæja kæra dagbók kannski verða einhverjar fréttir seinna í dag en allavega bless þar til næst kæra dagbók.

Athugasemdir

[Inga María Eyjólfsdóttir (IP-tala skráð) 8.5.2009 kl. 16:11]

A mittakotti tökum við  vel á móti þérHugur okkar er hjá ykkur og sólin er farin að skína á Islandinu góða.  Eg er að fara til Ingaló í boð, innflutingspartí.  Siggi er að fara á enn eina söngæfinguna  ( ekki hjá Þröstum) en eg sendi mína innjilegustu heitu strauma til hetjanna okkar í Stokkhólmi Mamma og pabbi

[Rauða Ljónið, 8.5.2009 kl. 18:05]

Í dag er vonin bjarta,- upp rísi sólin bjarta,

í dag finn ég von í mínu hjarta.

Að allt muni  blessast með komandi sól,

 allt komi að lokun, heilsan og hamingju sól.

Svig.

Kv, Sigurjón